Рӯзҳои таътили зимистона барои толибилмон бо лаҳзаҳои хушу нотакрораш  фаромӯшнопазир буд. Конфронси адабӣ аз рӯи асарҳои «Духтари оташ»-и Ҷалол Икромӣ, «Марги судхӯр» ва «Ёддоштҳо»-и Садриддин Айнӣ баҳри ғанӣ гаштани ҷаҳони маънавии муҳассилини мактаби №4 нақши муҳим бозид. Нақлҳо аз асарҳо пешорӯи бинанда симои ҷовидонаи қаҳрамонҳо Фирӯзаву Қориишкамба ва Одинаро ҷилвагар месохт. Ҳунари ровигии хонандагон С.Бойматова, Н.Тӯхтаева, З.Мамадҷонова, Н.Инъомзода, Д.Абдусатторова, Ф.Тӯхтаева, П.Иброҳимов, А.Раҳмонов ва дигарон писанди ҳамагон гардид.