Ҷашни фархундаи Наврӯз дар тамоми гӯшаву канори шаҳр бо тантанаву шукӯҳи хоса таҷлил шуда истодааст. Имрӯз бахшида ба Иди Наврӯзи хуҷаста консертҳои фароғатӣ дар боғи истироҳатии шаҳр ва сайругашти оммавӣ баргузор гардида, ҳамчунин аксия-фуруши симкортҳои Мегафон-Тоҷикистон, тамошо ва бозиҳои гуногуни идона барои кӯдакон пешкаш карда шуд.

Дар чорабиниҳои Наврӯзии шаҳр намоиши ҳунарҳои мардумию дӯзандагӣ, анъанаҳои миллии наврӯзӣ ба маърази тамошо гузошта шуд.

Пагоҳ 23-Март дар ҳамаи ҷамоатҳои деҳот чорабиниҳои идонаи Наврӯзӣ баргузор мегарданд. 24-Март тантанаи асосии Наврӯзии шаҳр дар варзишгоҳи «Ҷавонӣ» сурат мегирад, ки бо иштироки сокинон ва гурӯҳи калони меҳмонон, адибону шоирон ва зиёиёни ҷумҳурӣ доир хоҳад шуд.

      

     Ҳама ҷо анҷумани Наврӯз аст,

     Тоҷикистон ватани Наврӯз аст.