Санаи 13-Март дар шаҳрамон барои шаҳрвандони дар эҳтиётқарордоштаи Қувваҳои мусаллаҳ машқҳои ҳарбии оташфишонӣ гузаронида шуд. Дар оғози ҷамъомад бо иштирокчиён гузаронида шуда, тарзи истифодаи яроқ, қисмҳои он ва оташфишонӣ фаҳмонида дода шуд. Дар ин чорабинии ҳарбӣ зиёда аз 400-нафар ҷавонмардон иштирок намуданд.

Дар машқҳои ҳарбӣ, ки дар машқгоҳи бригадаи №16-уми ҷ.с. ба номи Э.Бойматова баргузор гардид, Раиси шаҳр Ғайбулло Боҳирӣ, комиссари комиссариати ҳарбии вилояти Суғд, полковник Назар Назаров, комиссари комиссариати ҳарбии шаҳр, полковник Дилшод Солеҳов, сардори шӯъбаи Вазорати корҳои дохилии Ҷумҳурии Тоҷикистон дар шаҳри Конибодом Алимардон Маҳмадов иштирок ва суханронӣ доштанд. Зикр гардид, чунин машқҳои омодагии ҳарбӣ дар ҳаёти осоиштагӣ низ гузаронида шуда, шаҳрвандонро лозим аст, ки ба ҳама гуна ҳолатҳои ҳарбӣ омода бошанд.

Баргузории машқҳои ҳарбӣ дарси мардонагӣ буда, ҷавонмардонро дар рӯҳияи ҳарбӣ-ватанпарастӣ тарбия менамояд.