Имрӯз санаи 14-март бо мақсади дар сатҳи баланди тозагиву ободонӣ пешвоз гирифтани ҷашни Наврӯзи байналмилалӣ дар шаҳри Конибодом шанбегии умумишаҳрӣ гузаронида шуда,  сокинони шаҳр,  намояндагони касбу кори гуногун дар он фаъолона иштирок карданд

Аз ҷониби Раиси вилояти Сущд Соли фарҳанг ва гулҳо эълон шудани Соли 2015 сокинони шаҳрро боз ҳам ба ободгароиву кабудизоркунӣ водор намуда, то имрӯз дар ҳудуди шаҳр қариб 2000 бех ниҳолҳои гуногуни ороишиву сояафкан, 14 000 бех гулҳои садбаргу кала ва намудҳои гуногуни гулҳои ороишӣ шинонида шуданд. Дар ҳашари имрӯзаи шанбегӣ ва ободонӣ 15 метри куббӣ партовҳо аз ҷониби Муассисаи серсоҳаи манзилию коммуналии шаҳр бароварда шуд.

Ҳамчунин бо иқдоми бахши ҳифзи муҳити зисти шаҳр аксияи тозагиву ободонӣ зери унвони «Тозагии маҳал» гузаронида шуд, ки тибқи он хонандагону ҷавонон ба корҳои тозагӣ баромада, ҳудуди шаҳраки 19-умро аз кощазпораю ифлосиҳо тоза гамуданд.

Дар ин аксия аз ҷониби бахши ҳифзи муҳити зисти шаҳр халтаҳои селофанӣ барои партовҷамъкунӣ ва дастпӯшаеҳо ба иштирокчиёни аксия паҳн карда дода шуд.

Бо мақсади дар муҳити зебоиву ободкорӣ пешвоз гирифтани ҷашни байналмилалии Наврӯз дар шаҳрамон ниҳолшинониву кабудизоркунӣ идома дорад.