Дар асоси нақшаи чорабиниҳои мақомоти иҷроияи ҳокимияти давлатии шаҳри Конибодом бахшида ба Рӯзи Президенти Ҷумҳурии Тоҷикистон дар коллеҷи омӯзгории шаҳр ба номи Мирзо Турсунзода таҳти унвони «Президенти ман - ифтихори ман» конфронс баргузор гардид. Дар он намояндаи мақомоти иҷроияи ҳокимияти давлатии шаҳр Мавзуна Ҷӯраева, сарвари муассиса Гулчеҳра Раҳмонзода, муовини раиси кумитаи иҷроияи шаҳрии ҲХДТ Фирӯза Шерматова ширкат варзида, вобаста ба саҳми Президенти Ҷумҳурии Тоҷикистон, Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон дар эъмори далвати ҳуқуқбунёду демократӣ, таҳкими сулҳу субот дар кишвар ва таъмини истиқлолияти комили давлатӣ ибрози андеша карданд.

Аз ҷониби донишҷӯёни коллеҷ оид ба нақши Президенти Ҷумҳурии Тоҷикистон дар роҳи расидан ба сулҳ ва тинҷию амонӣ дар мамлакат барномаи пурмӯҳтавои адабӣ пешкаш гардида, маърӯзаҳои илмӣ ироа гардид.

Кормандони фаъоли муассиса, ки дар маъракаи муҳими сиёсӣ - Интихоботи Президенти Ҷумҳурии Тоҷикистон фаъолона ширкат варзиданд, бо сипосномаҳои коллеҷ кадрдонӣ гардиданд.